1. Unitat. Eth sindic Francés Boya a artenhut, en còr dera representacion deth pòble aranés, eth Plenari deth Conselh Generau, era unitat politica contra era inclusion d’Aran ena vegueria dita de Naut Pirenèu e Aran, concretada ena Declaracion Conjunta deth 16 de seteme, qu’es grops d’Unitat d’Aran, Convergéncia Democratica e Partit Renovador d’Arties e Garòs an aprovat en ua mòstra clara de fòrça intèrna e dera volentat d’auer ua soleta veu ar entorn d’un ahèr tan transcendentau entath futur der autogovèrn. Longa vida ara unitat!

2. Governacion. Eth problèma entà Aran ei qu’era prepausa territoriau deth conselhèr Ausàs se base ena organizacion administrativa de Catalonha sense tocar era integritat dera província. En aguest cas, ei clar qu’Aran non pòt demorar includit en cap entitat territoriau nauèra, pr’amor qu’aguesta inclusion signifique, essenciaument, ua menaça entath principi d’autonomia en suberpassar eth marc especific en exercici des competéncies pròpries.


3. Coeréncia. Des d’aguest punt d’enguarda, era claretat e era coeréncia deth Sindic an estat en tot moment -aué e ager- impecables e irrefutables. Eth sòn esfòrç entà arténher era unitat enes institucions ei frut dera sua volentat entà hèr-mos mès fòrts eneth dialòg damb era Generalitat. A despièch dera desconfidança interessada des que an hèt d’aguest ahèr er unic ahèr dera sua existéncia politica, Francés Boya a exercit eth sòn lideratge e d’ençà d’aguest s’a limitat a deféner eth compromés qu’er alavetz conselhèr Puigcercós aqueric publicament damb Aran e es sues institucions en afirmar que non formarien part de cap vegueria. Mès, tant s’auien creigut era caricatura qu’auien hèt deth Sindic, que s’an mantengut en un estat incomprensible de silènci e estordiment enquiath moment en qué eth cap deth Govèrn d’Aran a requerit eth sòn prononciament public. Benvengudi siguen, dempús deth sòni!

4. Fòrça. Per aquerò, vau era pena persutar-i: era coeréncia e era unitat de toti es grops politics en procès de redefinicion territoriau de Catalonha consitusís era nòsta fòrça, era nòsta integritat coma pòble decidit a deféner eth sòn autogovèrn coma eth melhor esturment entà apregondir ena democràcia dera proximitat e eth pogrès des qu’i demoren, venguen d’a on venguen.

Advertisements

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s