Dobla morau

Quina vida mès chocanta. Non sonque era Glèisa aplique era dobla morau ar hèt omosexuau. Mentre eth president d’ERC en Aran, antic cargue de confidança des govèrns de Convergéncia e antic e admirat professor mèn, esbauce contra era setmana der esquí gai, qu’era empresa Aran Vacances organize per prumèr còp en Espanha damb era collaboracion de Baqueira-Beret e eth Conselh Generau, mentre açò passe -digui-, eth partit ath quau aperten sage, cada dia que pòt, de capitalizar e enquia de politizar eth moviment gai d’ençà des sòns encastres de responsabilitat, un hèt plan coneishut peth collectiu.
Ei a díder, mentre er ambaishador der independentisme catalan en Aran cargue contra era iniciativa privada d’ua empresa aranesa, eth sòn partit, enes departaments dera Generalitat qu’entèste, prebotge tota sòrta de « accions exclusivistes » (des quaus m’i declari partidari), en contra dera opinion deth sòn representant aranés, coma son era elaboracion dera Guida de Torisme Gai de Catalonha e eth supòrt decidit e sistematic a events coma es Eurogames 2008 (es olimpíades gais per excelléncia, ne mès ne mens!) o ath Circuit Festival (er eveniment ludicofestiu mès « exclusivista » o, se voletz, mès « petardo » e « marica » deth món mondiau!) .
Non sonque açò, senon qu’a descubèrt politicament eth potenciau public e notòri d’un moviment fortunosament mès desacomplexat, que reclame espacis de tolerància e dubertura entath desvolopament naturau dera sexualitat de totes es persones, independentament dera sua condicion sexuau (que non opcion), atau coma demòstre ena participacion e collaboracion en tot tipe d’actes, festivaus e hèstes « exclusivistes », venguen o non a compde.
Ergo, eth representant d’ERC en Aran declare era guèrra a ua politica plan desvolopada e impulsada peth sòn partit ena Generalitat de Catalonha. O ei que çò que vau tà Catalonha, non vau entà Aran? Mès quin rigor! Aguest posicionament òc que n’ei un carnaval! Valerie mès qu’era divergéncia de critèri damb Barcelona se manifestèsse en debat des vegueries…

Advertisements

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s