Pressupòsti

Eth Conselh Generau a aprovat aué es sòns pressupòsti entà 2010, en tot arténher ua chifra rècord de 35 milions d’èuros, plan nauta se tenguem en compde eth contèxte de crisi economica e financèra en qué viuen fòrça administracions publiques. Aguesta hita demòstre era bona gestion deth govèrn deth sindic Francés Boya, qu’enguan, sense eth besonh de hons ne ajudes extraordinaris de d’autes administracions, poirà invertir mès de 6 milions d’èuros en òbra publica tà reactivar era economia e eth trabalh deth país.

Coma a assegurat eth conselhèr deth PRAG, José Antonio Bruna, aguesti pressupòsti son es « mès ambiciosi e es mielhors finançadi qu’a presentat eth Conselh enes darrèri ans ». Totun, era presentacion des compdes deth govèrn de toti ei un pas mès ena expansion deth nòste autogovèrn entà possar un aute modèl de creishement a favor deth benèster des persones. Coma? Damb es pès en tèrra, mès damb es ganes sufisentes entà seguir trabalhant laguens des possibilitats d’ua institucion coma eth Conselh.

Er Executiu aranés ven de realizar ua ingent òbra de govèrn que, en matèria de politica sociau, infraestructures, educacion, eca, contrastarà coma era net e eth dia damb es anteriors govèrns convergents. Deishatz-me remercar tanben qu’açò da compde der èxit dera negociacion politica e dera preséncia des representants aranesi ena politica catalana, en Parlament concrètament, entà deféner es nòsti interèssi e es nòstes illusions coma pòble… ne mielhor ne pijor, mès diferent, en tot cas.

Advertisements

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s