‘Fumata bianca’

Eth sindic d’Aran e secretari generau d’Unitat d’Aran, Francés Boya, a artenhut fin finau eth compromís des grops d’Entesa (PSC, ERC e ICV) entà excludir Aran dera organizacion des vegueries. Atau coma ven de demostrar eth president Montilla entà deféner er Estatut en Senat e possar er inici deth procès de renovacion d’un TC incapable, eth sindic Boya a demostrat tanben qu’era persisténcia, era negociacion e eth trabalh constant dan, de viatges, es sòns fruts. Atau se despren dera propòsta d’esmendes qu’es partits que dan supòrt ath Govèrn dera Generalitat an pactat ena darrèra session dera ponéncia dera lei de vegueries.

Era propòsta convertís « l’Alt Pirineu i Aran » en « Alt Pirineu », que serà format pes « municipis corresponents a Alta Ribagorça, Alt Urgell, Pallars Sobirà, Pallars Jussà e Cerdanya », en tot excludir de forma clara ara Val d’Aran (article 9). Ath delà deth refòrç dera relacion de bilateralitat entre eth Conselh e era Generalitat que recuelh er article 10, es grops d’Entesa higen dues disposicions (disposicion addicionau tresau e disposicion transitòria prumèra bis) que preven qu’eth Conselh Generau se hèsque cargue des competéncies de cooperacion locau qu’aurà assignades, quan se constituïsque, eth Conselh de Vegueria (ara les exercís era Deputacion). Tot un entramat d’encastre juridic que da respòsta damb satisfaccion as demanes araneses.

Cau rebrembar, ad aguest respècte, qu’era esmenda de CiU se limitaue a suprimir deth redactat eth tèrme « Aran », sense guaires concrecions, e aportaue ua propòsta fòrça enigmatica: « Aran disposarà d’un règim jurídic especial ». Coma se non l’auessem dejà! Totun, era propòsta lèu immielhorabla des grops dera quèrra ei ua bona notícia entà toti e per toti a d’èster compartida, perque, coma a dit aué eth sindic, da compliment as aspiracions deth pòble aranés e daurís naues perspectives de futur e consolidacion der autogovèrn.

Advertisements

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s