Mika

Eth concèrt de Mika a estat emocionant. Barcelona l’a consagrat damb mès de 5.000 persones en unic concèrt en Espanha, a despièch qu’era actuacion ère prevista en ua sala mès petita e tà 800 persones. Eth cantant anglés d’origen libanés melhore en dirècte. Eth sòn ei un pòp alègre, plen de colors e bones vibracions, ua barreja de McCartney, Prince, Elton John, Mercury e, per qué non, Scissor Scisters.

Mika ei un artista complèt que sap jogar damb era sua votz elastica, segura e precisa, e damb er espectacle mès desenfadat e despreocupat. En dirècte se percep clarament eth resultat d’ua votz cultivada, educada, convertida en sòn esturment de fòrça. Quini aguts e quin domini deth piano tanben. Damb andús hè malabarismes. Demori qu’eth fenomèn Mika non demore en un buhada mediatica. Aguest gojat, un an major que jo (a 24 ans), pòt auer un gran futur.

Autor : Amador

Jornalista montanhaire, deputat en Congrès e vicesindic prumèr e conselhèr de Governacion, Innovacion, Economia e Torisme deth Conselh Generau. Afichar totes los articles per Amador