Era tauèrna coma oposicion

Dilhèu ja ei ora de parlar ben clar e sense circumlòquis. A arribat eth moment d’interpellar dirèctament, sense intermediaris, ara nòsta oposicion politica, en un debat seren e respectuós. Eth problèma non ei er ensult, era mentida, era calómnia, era insídia, er atac personau e eth rumor mauintencionat; eth problèma non ei çò que poguen díder es degeneradi e aspirants a talibans o a terroristes deth vèrb qu’atempten contra era conviuença democratica; eth problèma non son es persones damb representacion politica que publiquen espacis webs « anonims » damb comentaris repugnants. Non. Pr’amor que n’aguesti cassi, çò de melhor ei non hèr cas en tot formular eth desir evangelic de qu’es mòrts entèrren as sòns mòrts. Eth problèma ei eth papèr dera oposicion dauant de tanta indignitat.

Eth Govèrn deth Conselh Generau d’Aran a dret a saber s’era oposicion ei disposada a dar cobertura a tota aguesta estratègia lorda de comentari de tauèrna. ¿Ei aguesta era oposicion que se merite eth país? ¿A on son es arguments politics? Me cònste qu’un sector de CDA se n’ei desmarcat. Mès tanben ei vertat que, ath delà de que CDA non a trobat era mesura de hèr oposicion laguens des institucions, ena oposicion viscerau extraparlamentària trobam a ex nauts cargues qu’an agut responsabilitats publiques en govèrn der exsindic Barrera e a sectors deth madeish partit ressentidi damb eth veredicte inapelable des urnes. Per tant, CDA, o se voletz ua part de CDA, a ua responsabilitat, non pòt campar tà un aute costat mentre era nòsta vida publica s’empodoe dangerosament.
Senhors, ei ora de hèr politica, non de politiqueria. Per aquerò, cau hèr ua crida ath civisme, ath respècte der aute, en favor d’ua conviuença democratica normalizada e ara nautada de çò que demoren es ciutadans des nòstes institucions e dera activitat politica en generau.
Advertisements

2 thoughts on “Era tauèrna coma oposicion

  1. que xarres tant mainatjòt? te cau rebrembar a que t’as dedicat e te dediques? em memòria amassa:21/05/07César Ruiz, eth candidat de Gestiaran César Ruiz ei eth candidat de Gestiaran que se presente ena lista de CDA entar Ajuntament de Naut Aran. Era promiscoïtat entre interèssi privadi e er interès generau ei palpable ena candidatura convergenta de Naut Aran. Gestiaran, S.L. ei era immobiliària mès potenta dera zòna, damb interèssi ena macrourbanizacion dera Val de Ruda. Ruiz n’ei eth sòn gerent e s’a convertit en relèu de Víctor León qu’òpte ara gestion des ahèrs publics de Naut Aran. León, alcalde pendent 16 ans, ei eth copropietari e un des principaus impulsors de Ruda, amassa damb eth govèrn de Barrera, deth quau a estat tanben conselhèr.

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s