Eth Congrès deth PSC

Er 11au Congrès deth PSC a mercat ua hita ena istòria deth partit. Eth silent José Montilla a estat reescuelhut damb un discurs que mos a emocionat e ath temps hèt arrasoar ena causa comuna deth socialisme federalista coma èish centrau dera politica catalana. Dilhèu jamès un prumèr secretari deth PSC auie plantejat tan clarament es aspiracions dera gent de progrès dauant deth maximom responsable deth partit frair, eth PSOE. « Prumèr ei Catalonha, era sua gent, es sòns problèmes, inquietuds e expectatives coma societat », a vengut a proclamar aqueth qu’entàs deth pensament de barretina (que non deishe veir mès enlà) ei un charnego o pijo (en version aranesa) que parle mau eth catalan, en tot referir en hons era sua condicion de « mau catalan », òme de catalanitat incorrècta e incomplèta pr’amor que « non ei des nòsti ». Totun, aqueth que « non ei des nòsti » a consolidat coma jamès ath principau partit de govèrn ena centralitat politica e sociau de Catalonha damb un projècte clarament integrador, plurau e dubèrt. Sectors catalanistes? Er ADN deth PSC ei pur catalanisme progressista. « Leçons de catalan, totes es que calguen; leçons de catalanisme, cap ne ua ». Chapeau!

Unitat d’Aran – PNA ei un partit independent qu’ei vinculat ath PSC per miei d’un protocòl peth quau aguest darrèr assomís era singularitat e eth principi d’autonomia d’Aran en tot balhar era sua representacion en territòri a UA – PNA. Aguesta relacion non dèishe de reflectir era realitat der autogovèrn aranés, exercit peth Conselh Generau d’Aran, qu’exercís foncions dera Generalitat en Aran, talament coma era Generalitat ei Estat en Catalonha. Sens dubte, ua mòstra clara dera concepcion federau dera organizacion dera societat que compartim es progressistes d’un costat e d’un aute. A despièch des desacòrds que de viatges se pòden manifestar, son fòrça es valors e principis que mos amassen. Per aquerò, d’ençà der 11au Congrès deth PSC e deth 5au Congrès d’UA, que celebrèrem en abriu, ei satisfactòri constatar era volentat d’andús d’assetiar es bases entà devier puntaus dera construccion nacionau de Catalonha e Aran, respectivament. Se totun entath PSC, Catalonha ei prumèr, non ei mens cèrt qu’entà UA – PNA n’ei Aran entà tostemp. Pr’amor qu’Aran, format per toti es que i demoram ara, ei era nòsta rason d’èster.

Advertisements

One thought on “Eth Congrès deth PSC

  1. És d’agrair aquest gir cap a la catalanitat del PSC, però igual que pregonava el PSC quan estava a l’oposició: « més fets i menys paraules ».De moment els grans gurus informatius d’aquest moment a la TV i a la radio catalana, nacionalistes ells, han estat apartats de la primera línia; a un li han vetat el seu projecte i a l’altra l’han « promocionat » a un millor lloc però fora de la pantalla (manera discreta de treure’ls del davant).Per altra banda, temps al temps però molt em temo que Aran acabarà formant part d’una vegueria comuna amb altres comarques pirinenques.El nou finançament del estat català, tan anunciat i esperat, al final quedarà en res, i tot per no fer patir a ZP… « Aprobaré el Estatut de Catalunya que apruebe el Parlament de Catalunya ».Més fets i menys paraules…

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s