Era darrèra setmana mos dèishe un sentiment que barrege era impoténcia e era misericòrdia dauant dera mòrt accidentau -era mòrt tostemp mos semble accidentau, broma macabra…- des cinc trabalhadors que pujauen per Salient entà survelhar era seguretat des persones contra es lauegi e despreniments enes montanhes. Cinc persones d’orígens ben disparions qu’an amassat eth sòn punt finau en Aran. Era montanha drevelhe ua fascinacion dificila de resistir, mès amague es risques mès dangesori e brutaus. Autentic desafiament, eth capinaut d’un tuc ei immisericòrde.